Жақын арада Павлодарда сүт құятын автоматтар орнатылу мүмкі

Павлодар облысының Айнакөл ауылында «Атамұра-Павлодар» ЖШС сүт фермасы бірнеше жылдан бері жұмыс істеп келеді.
Осыдан екі жыл бұрын ғана шаруашылық етті тұқымды қазақтың ақбас сиырларын ұстайтын. Дегенмен, күнделікті пайда әкелетін сүт бағыты да қызмет түрлерін кеңейтуді ойлануды қажет етті.
Шаруа қожалығының басшысы Асқар Бимағановтың айтуынша, 2016 жылдың басында шаруашылықта 60 бас сиыр болған. Қажетті құжаттарды жинап, «Атамұра-Павлодар» ЖШС басшысы сол жылдың қараша айында «Ырыс» бағдарламасымен «Ауыл шаруашылығын қаржылай қолдау қорынан» несие алды. 80 млн. теңгеге сүт бағытындағы 100 ірі қара мал мен қатар қажетті құрал-жабдықтар - сүт қондырғылары, сүт танкері, трактор, шөп шабу құрылғысы сатып алынды.
«Алғашқы будандастыру өткен жылы өтіп, бұзаулар саны көбейе түсті, - дейді шаруа қожалығының басшысы Асқар Ерсайынұлы. - Жақын арада жасанды ұрықтандыруды пайдаланамыз, ол табынның тұқымды сапасын көтеріп, өнім көлемін арттыруға мүмкіндік береді.
Оған қоса, сүтті тұтынушыға тікелей жеткізу үшін сүт құятын автоматтарды орнатып, өзіміз шығарған өнімді делдалсыз сатамыз деген жоспарлар бар.
Ойдағы тағы бір нәрсе - ет өндіру үшін жас малды өсіруге бағытталған бордақылау алаңын салу. 
Шаруашылықтың қазіргі жұмысы несиені уақтылы өтеу, пайда табу, сонымен қатар ауылдық жерлерде жұмыс орындарын ашуға мүмкіндік береді. Бүгінде шаруа қожалығында шамамен 20 жұмыс орны бар, маусымға байланысты қысқы уақытта қызметкерлер саны 10-15 дейін қысқартылады.
«Ауыл шаруашылығын қаржылай қолдау қоры» АҚ сүт фермаларын құру және кеңейтуге бағытталған «Ырыс» бағдарламасын жүзеге асыруды жалғастыруда. Қарыз сомасы 85 млн. теңгеге дейін, несиелеу мерзімі - 10 жылға дейін, жылдық сыйақы үстемесі - 6%, жылдық тиімді сыйақы ставкасы - 6,7% дейін. 
Биыл «Ырыс» бағдарламасы бойынша 2 тауарлы сүт фермасы қаржыландырылып, бұл мақсатта 50 млн. теңге көлемінде несиелер беріледі.
 

Артқа